Buot ii lean nu go galggai.
Geaidnopolitiijat leat dárkkistan johtolaga Álttás ja Porsáŋggus duorastateahket ja bearjadaga čuovganeapmái. Čájehuvvui ahte muhtun vuoddjit eai čuovo lága.
Geaidnopolitiijat dárkkistedje leahtu E6 luottas Ikkaldasas. Guđas sáhkkohalle báikkis gos leahttorádji lea 70 km/dii. Alimus leahttu lei 89 km/dii.
Váillui vuodjinkoarta
Geaidnopolitiijat Álttás váide 25-jahkásaš olgoriikadievdu go galgá vuodján lobálaš vuodjinkoarta haga, addán boasttu iešdieđuid, vuodján gárrenoaivvis ja rihkkon narkotihkkalága.
Dán dieđiha Finnmárkku politiijaguovlu twitteris.
