Go Romssa ja Finnmárkku ovttastahttojuvvojit 2020 ođđajagemánus, de dárbbašit ođđa fylkkagovastaga.
Romssa ja Finnmárkku fylkkasuohkan riegáda 2020 ođđajagemánus.
Dassážii galgá ođđa fylkkas ođđa fylkkagovastat, ja dál hástalit olbmuid dan hábmet.
Son guhte árvala buoremus fylkkagovastaga vuoitá 10 000 ruvnnu.
Hástalit skuvllaid
Fylkkasuohkanat bovdejit erenomážit Romssa ja Finnmárkku vuođđoskuvllaid ja joatkkaskuvllaid oasálastit gilvvus.
– Dán leat eará fylkkain maid dahkan, ja dá lea vuogas vuohki fátmmastit álbmoga nuoramusaid fylkkaovttastahttimis, čállet Romssa ja Finnmárkku fylkkat preassadieđáhusas.
Eavttut
Ođđa fylkkagovastat galgá áimmahuššat fylkka kultuvrraid, historjjá, ealáhusaid dahje luonddu ja das eai galgga eanet go golbma ivnni.
Vuoiti lassin ožžot logis 2000 ruvnnu go servet gilvui.
Áigemearri árvalit fylkkagovastaga lea geassemánu 21. beaivvi.
