Sotnabeaivvi sullii diibmu 11 dieđihuvvui olmmoš gávdnon jápmán skuterláhtu alde lahka Jergula, Kárášjoga gielddas.
Dievdu gii gávdnui jápmán lei badjelaš 50 jagi boaris ja politiijat dadjet ahte jápmin orru leamen lunddolaš.
Politiijat leat hupman singuin geat gávdne albmá ja almmái sáddejuvvo obdukšuvdnii.
– Mii leat leamaš báikkis doaktáriin fárrolaga ja leat konstateren jápmima. Mii diehtit gii almmái lea ja dearvvašvuođalágádus dovdá albmá dearvvašvuođahistorihka, dadjá politiijaid operašuvdnajođiheaddji Svein Erik Jakobsen iFinnmarkii.
Oapmahaččat leat ožžon dieđu jápmima birra.
