Ábas eaktodáhtolašguovddáš Guovdageainnus ohcá suohkanis doarjaga vai besset lágidit ESC-party.
Ábas beaivválaš jođiheaddji Kirsten Ellen Siri čállá ohcamis ahte go KEiiNO oassálastá ESC-gilvvus Tel Avivas miessemánu 18. beaivvi, de háliida Ábas lágiidit ESC-party suohkana ássiide.
– Sosiála mediain leat mii oaidnán ahte olbmot váillahit dakkár feastaeahkeda, earenoamážit dál go guovdageaidnulaš Fred René ja KEiiNO joavku leat mielde gilvvus, čállá Ábas jođiheaddji ohcamis.
Ulbmil lea maid ahte maŋŋel gilvvu galget báikkálaš artisttat čuojahit ja guoimmuhit.
