-Almmuhus-
OĐĐASAT– Fylkkamánni berre váldit badjelasas Davvinjárgga ášši

– Fylkkamánni berre váldit badjelasas Davvinjárgga ášši

-

-

Norsk Friluftsliv organisašuvdna bivdá Romssa ja Finnmárkku fylkkamánni váldit badjelasas Davvnjárgga ášši, go oaivvildit Davvinjárgga suohkana beare hilljánit bargat áššiin.

Davvinjárgga suohkan attii diibmá Scandic fidnodahkii lobi gáibidit divada sis geat galget Davvinjárgga báktenjuni alde beassat fitnat. 

Dasa lea organisašuvdna Norsk Friluftsliv, dahje Norgga olgunastineallin, áibbas vuostá ja oaivvilda dan rihkkut Norgga lága.

Sii oaivvildit ahte gáibidit divada fitnat Davvinjárgga báktenjuni alde lea vearrámus ekonomalaš boasttugeavaheapmi Norggas.

Norgga Olgunastineallin organisašuvdna oaivvilda ahte galgá beassat nuvttá návddašit luonddu Norggas.

 

-Almmuhus-