Almmuhus

Almmuhus

FeFo almmuhan bivdo­joavkkuid

Dál lea FeFo almmuhan geat leat ohcan ealgabivdoguovllu.

Almmuhuvvuon: 
Gaskavahkku, 24 Cuoŋománu, 2019 - 07:56
Ođastuvvon: 
Ođastuvvon: 25.04.2019 - 11:05
Fáddásánit: 

Cuoŋománu 12. beaivvi rahppui vejolašvuohta ohcat ealgabivdoguovllu Finnmárkkuopmodagas.

Oktiibuot 300 bivdoguovllu gos oažžu báhčit oktiibuot 1011 ealli, leat almmuhuvvon 2019:s. 

12 beaivvi maŋŋel de lea FeFo almmuhan geat leat ohcan bivdoguovllu.

 

Áigemearri ohcat bivdoguovllu lea ihttin, cuoŋománu 25. beaivvi, ja dán rádjái leat 253 bivdojoavku ohcan bivdoguovllu.

– Leat 325 ohcamuša boahtán dán rádjái, muhto vuordit vel eanet ovdal go áigemearri dievvá duorastaga diibmu 23.59. Bivdojoavkkut sáhttet maid rievdadit ohcama ovdal áigemeari, lohká FeFo meahcástanossodaga jođiheaddji Einar J. Asbjørnsen.

 

Miessemánu 10. beaivvi almmuha FeFo geat ožžot bivdoguovllu boahtte čavčča.

Seamma beaivvi áigu FeFo lágidit njuolggosáddaga gaskal diibmu 17 ja 18 FeFo Facebook-siiddus, gos áigot humadit bivddu birra ja gussiiguin ságastallat, dieđiha FeFo preassadieđáhusas.

Ovdasiiddus dál