Dat galgá geahpidit biilavuddjiid árgabeaivvi.
– Dál šaddá vuodjinkoarta digitálan. Dat mearkkaša ahte dus ii šat dárbbat fysalaš vuodjinkoarta fárus go galggat vuojistit gosge, nu go mánáidgárddis dahje togastašuvnnas. Dat geahpida biilavuddjiid árgabeaivvi, seammás go eiseválddit ožžot eambbo ođastuvvon dieđuid go dat maid fysalaš vuodjinkoarta addá dál.
Dan dadjá johtolatministtar Jon Georg Dale Geaidnodirektoráhta evttohusa oktavuođas man leat sádden gulaskuddamii njuolggadusrievdadeami birra.
Stáda geaidnodoaimmahat leat maŋemus jagiid ovdánahttán digitálalaš čovdosiid, mii addá lassi fleksibilitehta ja beasatlašvuođa geavaheddjiide, seammás go Stáda geaidnodoaimmahat sáhttá doaimmahit deháleamos bargguid jođáneappot. Dál lea vuodjinkoartta digitaliseremis sáhka.
– Digitála vuodjinkoarta galgá nationála geavaheapmái leat ollislaš vuodjinkoarta. Dat mearkkaša ahte galgá leat doarvái go dus lea mátketelefovdna biillas, mii eatnasiin álo lea, dadjá Dale.
Iešdáhtolaš deavdda fysalaš vuodjinkortii
Digitála vuodjinkoarta galgá leat olámuttos ovdamearkka dihte mátketelefovnnas ja lea iešdáhtolaš, nuvttá deavdda dálá fysalaš vuodjinkortii.
Addet aŋkke ain fysalaš vuodjinkoarttaid, sihke sidjiide geat vuosttaš geardde ožžot dan, ja maiddái go ođastuvvo.
Fysalaš vuodjinkoarta galgá ain váldot fárrui go olgoriikkas galgá vuodjit.
Teknihkalaš čoavddus digitála vuodjinkortii ovdánahttojuvvo áimmahuššan dihte sihkarvuođa, designa, áddehahttivuohta ja persovdnasuodjalus.
Bargojuvvo dan guvlui ahte olbmot galget beassat váldit atnui bálvalusa čakčat.
