Vaikke guokte Boeing 737 MAX girdi leat gahččan golggotmánu rájes, de áigu Norwegian ain girdit seamma mearkasaš girdiiguin.
Norwegian girdifitnodagas leat 15 Boeing 737 MAX girdi maiguin girdet USA:s, Irlánddas ja Skottlánddas.
Sii dáhttot joatkit girdiid geavaheami vaikke seamma mearkasaš girdi gahčai mannan sotnabeaivvi Etiopias.
Buot girdi 157 mátkkálačča ja bargi dušše lihkohisvuođas.
– Buot girdimátkkit čađahuvvojit nu go plánejuvvon, muhto mii gulahallat girdibuvttadeddjiin ja čuovvut girdijohtolaga ávžžuhusaid. Min mátkkálaččaid sihkarvuohta lea buot deháleamos, dadjá Norwegian girdihoavda Tomas Hesthammer NTB:i.
Kiinnás leat bissehan buot našunála girdimátkkiid main geavahit dán girdi.
Boeing 737 Max girdi gahčai maiddái Indonesias diimmá golggotmánus, dalle jápme 189 olbmo lihkohisvuođas. (©NTB)
