Almmuhus

Almmuhus

Media­bearrái­geahčču lea juohkan 20 miljovnna ruvnno lagas­rádio­sáddemii

20 MILJOVNNA DOARJJA: 85 báikkálaš sáttamediai lea juhkkon lagabui 20 miljovnna ruvnno doarjjan iešguđet prošeavttaide. Sulli bealli ruđain mannet riikka báikkálaš rádioid digitaliseremii. Govva: Mediabearráigeahčču

Mediabearráigehččui bohte oktiibuot 340 ohcama 106 aktevrras, mat ohce oktiibuot 51 miljovnna ruvnno.

Almmuhuvvuon: 
Gaskavahkku, 20 Njukčamánu, 2019 - 11:19
Fáddásánit: 

85 aktevrra ožžot doarjaga go Mediabearráigeahčču lea juohkán lagabui 20 miljovnna ruvnno doarjjan lagasrádiosáddemii. Sulli bealli doarjagis manná digitaliseret báikerádio.

– Báikerádio- ja -tv aktevrrat leat dehálaš oasit mediagirjáivuođas, ja doarjjaortnet galgá váikkuhit dan girjáivuođa, dadjá Mediabearráigeahču direktevra, Mari Velsand preassadieđáhusas.

Mediabearráigehččui bohte oktiibuot 340 ohcama 106 aktevrras, mat ohce oktiibuot 51 miljovnna ruvnno. 19,8 miljovnna ruvnno lea juhkkojuvvon dán vuoru.

– Mii vásihit stuora beroštumi doarjjaortnegii, dadjá Velsand.

 

Dorjot ođđahutkon prošeavttaid

Sulli bealli dan doarjagis leat merkejuvvon prošeaktan mat galget veahkehit digitaliseret riikka báikkalaš rádioid.

Dasa lassin lea vuoruhuvvon báikkálaš prográmmabuvttadeapmi mii árvvosmahttá Norgga musihkkageavaheami. 

Ovdasiiddus dál