91,8 proseantta Norgga mánáin lea mánáidgárdesadji.
Oktiibuot 83,5 proseantta jahkásaš ja guovttejahkásaš mánáin lea mánáidgárdesadji Norggas ja 97,1 proseantta gaskal 3- ja 5-jahkásaš mánáin lea mánáidgárdesadji.
Nu boahtá ovdan Statistihkalaš guovddášdoaimmahaga mánáidgárdeiskkadeamis.
Diimmá ektui lea lohku lassánan. 2018:s ledje 91,2 proseantta mánáin mánáidgárdesadji, dál lea lohku gorgŋon 0,6 proseanttain.
Oktiibuot leat Norgga mánáidgárddiin 96 100 bargi, ja 47 proseantta mánáidgárddiin oamastit suohkanat, čállá NTB.
