Riikkaidgaskasaš nissonbeaivvi čohkkejit nissonolbmuid geain iešguđetlágan duogáš lea go áigot áŋgiruššát sihke gávpoga ja máilmmi ovddas.
Oslo gávpot lea aiddo nammaduvvon Eurohpá birasoaivegávpogin 2019.
Oslo birrasa ja johtolaga gávpotráđđi Lan Marie Nguyen Berg doallá sártni Oslo duopmogirkus njukčamánu 8. beaivvi maŋŋelgaskabeaivvi.
Dálkkádat lea ášši mii čatná nissoniid oktii, ieguđet agis, iešguđet dilis ja organisašuvnnas.
Sámi nissoniin lea guhkes árbevierru váldit vára luonddus, mii galgá mannat viidáset boahttevaš bulvii.
– Mii diktit luođi ja rumbojiena deavdit girkolanja, muittuhussan ahte mii leat ovttas dehálaš barggus ja čájehit solidaritehta eará nissoniidda miehtá máilmmi, čállá girku.no preassadieđáhusas.
Girkus beassat gullat go Mari Helander juoigá ja Astrid Ingebjørg Swart dearpá sámi rumbbuid.
Oslo duopmogirku lávlunkoarra lávlu, dirigeanta lea Vivianne Sydnes, ja Marcus André Berg čuojaha orgela.
Mielde lágideame doaluid lea Oslo Kristelige Studentforbund.
