Romssa ja Finnmárkku fylkkamánni lea guhkidan mohtorjohtolatgildosa láhttu nummar 10:s Kárášjoga gielddas gitta njukčamánu 22. beaivái. Go bohccot guhtot lahka láhtu, de lea dárbu guhkidit gildosa, dieđiha fylkkamánni.
Láhttu manná Ávžegeašjeakkis Anárjohkii ja lea leamaš giddejuvvon njukčamánu 4. beaivvi rájes.
Go láhttu lea giddejuvvon, de mearkkaša maid ahte gaskaboddosaččat gessojit buot sierralobit maid ruovttoluotta.
Duogáš mohtorjohtolatgildosii lea ahte guovllus guhtot bohccot ja go guovvamánu bivvalat ja arvvit dagahedje ahte muohta lea garas ja guovllus lea ollu cuoŋu ja jiekŋa, de lea dárbu ahte bohccot ožžot ráfi Iškorasjoga-gáttis gos maid láhttu 10 manná, čállá Romssa ja Finnmárkku fylkkamánni.
