-Almmuhus-
OĐĐASATFinnmárkku fylkkagielda áigu veahkehit doaibmahehttejuvvon olbmuid

Finnmárkku fylkkagielda áigu veahkehit doaibmahehttejuvvon olbmuid

-

-

Go Stáhta bealis eai leat ordnen ruhtadeami doaibmahehttejuvvon olbmuid fievrredeapmái, de juolluda Finnmárkku fylkkagielda ruđa vai geavaheaddjit eai masse iežaset vejolašvuođaid.

Čalmmeheamit ja juvlastuollogeavaheaddjit leat maŋemus jagiid ožžon doarjaga stáhtas ordnejuvvon fievrredeapmái lassin fylkkagieldda dábálaš ortnegii. 

Fylkkagielda lea ohcan Johtalusdepartemeanttas doarjaga jođihit stáhtalaš ortnega 2019:s maid, muhto eai leat ožžon vástádusa.

Vai fálaldat ii hedjon, de lea fylkkagielda bivdán suohkaniin ruđa dán jagi ovddas. 

 

Uvssas uksii

TT-ortnet addá doaibmahehttejuvvon finnmárkulaččaide, geat eai sáhte geavahit dábálaš kollektiivafálaldaga, vejolašvuođa fievrreduvvot uvssas uksii.

Finnmárkkus leat badjel 1400 TT-ortnet-geavaheaddji geat doaibmahehttejumi geažil eai sáhte geavahit dábálaš kollektiivafálaldagaid.

Badjel 300:s sis ožžot doarjaga stáhtas. 

-Almmuhus-