Almmuhus

Almmuhus

Dušše bealli gásttaša mánáidis

Dušše bealli Norgga mánáin gástašuvvojit girkus. Čájáhusgovva: Håkon Mosvold Larsen / SCANPIX

Norgga girkus njiedjá miellahttolohku. Unnit mánát gástašuvvet, unnit nuorat konfirmerejuvvojit ja unnit bárat vihahuvvojit girkus. 

Almmuhuvvuon: 
Vuossárga, 18 Njukčamánu, 2019 - 15:02
Fáddásánit: 

51 proseantta Norgga mánáin gásttašuvvo Norgga girkus diibmá.

Lohku lea njiedjan 2,6 proseanttain ovddit jagi rájes, čájehit Statistihkalaš guovddáš­doaimmahaga logut. 

 

Miellahttolohku njiedjá

Seamma áigodagas njiedjagohte maiddái miellahtut Norgga girkus.

Diibmá ledje girkus 3.717.000 miellahttu, dá leat 18.000 unnit go 2017:s.

Oktiibuot njiejai miellaht­tolohku 0,7 proseanttain. 

 

Guorahallegohtet

Maiddái unnit nuorat vállje­jedje konfir­meret girkus 2018:s.

Jagis njidje konfirmánttat 1,7 proseanttain. 56,2 proseantta Norgga nuorain konfirmerejuvvojedje diibmá. 

– Vaikke logut njidjet, de lea girko­doaibma ain dehálaš. Jahkásaččat gásttašuvvojit, konfirmerejuvvot dahje viháhuvvojit 70.000 olbmo Norgga girkus. Ipmilbálvalusain ges ledje 5 miljovnna galle­deami. Dattetge fertet geahčadiš­goahtit man láhkai sáhttit šaddat stuorát oassin olbmuid eallimis, dadjá Kirkoráđi direktevra Ingrid Vad Nilsen NTB ođas­doaimmahahkii.

Ovdasiiddus dál