Politiijat dieđihit dáhpáhusaid mannan ija. Eanas guovlluin jaskat.
Várggáin:
Vuollel 20-jahkásaš nuorra gohččojuvvon eret gávpotguovddážis. Politiijat váidet su fasttes láhttenvuogi geažil. Ášši ásahuvvo.
Áltá:
Guokte dievddu, badjelaš 30- ja 40-jahkásaš, doarráiga gárrenoaivvis olgobáikki olggobealde. Politiijat ásahit ášši go lea sáhka rumašvahágahttimis. Nubbi dievdu massii báni doarrumis.
Hámmárfeasta:
Badjelaš 30-jahkásaš dievdu gohččojuvvon guođđit gávpotguovddáža go lea rigeren olgobáikkis.
Veaháš maŋŋelaš bahkkegohte olbmot geat ledje beare ollu juhkan, sisa olgobáikái. Go eai jeagadan olgobáikki bargiid, eai ge ipmirdan ahte sii eai beasa sisa, de olgobáiki riŋgii politiijaide ja politiijat gohččo olbmuid guođđit báikki.
Honnesváhki:
Vuolleahkásaš bárdni válddahalai politiijaide go lei gárremiin gávpogis, ja politiijat dolvo su ruoktot váhnemiid lusa.
Politiijat dolvo maid ovtta badjel 50-jahkásaš dievddu ruoktot, go lei beare gárremiin gávpotguovddážis.
Mátta-Várjjat:
Guokte badjel 30-jahkásaš nissonolbmo doarráiga go leigga vázzimin ruoktot. Dáhpáhus dáhpáhuvai vázzinbálgás gaskal Girkonjárgga ja Hessenga. Nissonguovttos duhkostalaiga nubbi nuppi ovdal go politiijat bohte ja bissehedje doarrumiid. Politiijat dolvo sudno ruoktot.
Diibmu 0600 ožžo politiijat dieđu feastarieja birra Hessengas. Sii manne báikái ja gohččo olbmui jaskkodit.
Porsáŋgu:
Bartta olggobealde, Leaibevuonaávžžis, suoláduvvui skuter mannan ija. Politiijat gávdne skutera Háhttiraš alde sullii diibmu 0600 iđđes. Guokte olbmo válduiga gitta áššis ja politiijat váldet sudno mielde HámmárfeastTa politiija kantuvrii. Ášši ásahuvvo.
