Lávvordateahket vuittiiga guokte finnmárkulačča stuora ruhtavuoittuid. Nubbi lohká iežas niegadan ahte vuoitá ja nu geavai ge dál.
Lávvordateahket vuittii nisu gii lea eret Nuorta-Finnmárkkus 1.4 miljovnna ruvnno Joker-spealus.
– Dán in lean gal vuordán. Dál áiggun oastit ođđa sabehiid, boagustii Joker-miljoneara lávvordateahket go vuoitologut ledje gesson ja su vuoitosupmi šattai 1.4 miljovnna ruvnno.
– Jáhkkemeahttun
Norsk Tipping Lotto-spealus vuittii Čáhcesullo dievdu 1 miljovnna ruvnno.
– Giitu, gal dát gal lei hui, hui somá gullat. Lea áibbas jáhkkemeahttun, logai dievdu go Norsk Tipping válddii suinna oktavuođa lávvordateahket.
– Mun lean ovdal niegadan ahte vuoittán, ja lea hui somá go dat duođas dáhpáhuvvá, lohká dievdu, gii ii hálit almmuhit namas, Norsk Tippingai.