-Almmuhus-
OĐĐASATOhcalit eambbogiid Kárášjogas geat gádjot biepmu bálkestuvvamis

Ohcalit eambbogiid Kárášjogas geat gádjot biepmu bálkestuvvamis

-

-

Finnmárkkus sáhttá gádjut biepmu vai ii mana bázahussan 12 iešguđet boradanbáikkis. Dalle ferte leat Too Good To Go appa. Finnmárkkus leat 6350 borramuša hehtten geavvamis ruskalihttái.

– Lea hirpmus oaidnit man ollu biepmuid hehttejit bálkestuvvot dan 12 boradanbáikkis Finnmárkkus. Finnmárkulaččat leat čeahpit searvat biebmogádjumii. Dál sávvat ahte eanet boradanbáikkit davvin servet dán bargui mas unnidit biebmobálkuma, nu ahte eanet biepmu manná čoavjái ii ge ruskalihttái, lohká Too Good To Go beaivválaš jođiheaddji ja biebmogádju Sophie Wiik.

 

Ohcalit eanet biebmogáddjuid Kárášjogas


Too Good To Go beaivválaš jođiheaddji ja biebmogáddju Sophie Wiik. Preassagovva.

Vaikko finnmárkulaččat gádjot olu borramuša, de ii mana nu jođánit Kárášjogas.  

Kárášjoga Scandic hotealla háliidivččii unnidit biebmobázahusaid, ja sávvet olbmuid Kárášjogas leat mielde unnideame biebmobázahusaid. 

– Jus orut Kárášjogas ja háliidat njálgga iđitborramuša hehttet bálkestuvvomis, de ávžžuhan viežžat min appa ja čuovvut mielde doppe – Kárášjoga Scandic bidjá biepmuid dohko juohke beaivvi. Biebmobálkun lea stuora birasváttisvuohta, ja mii leat ilus go Kárášjoga Scandic lea mielde unnideame biebmobázahusaid, lohká Wiik.

 

Stuora birasváttisvuohtan

Norggas bálkestit unnimusat 385 000 tonna borramuša jahkásaččat, ja máilmmis gártá goalmmadasoassi biepmus bázahussan. Dat leat issoras alla logut maid Too Good To Go háliida rievdadit.

Biebmobuvttadeapmái mannet ollu resurssat, ja go nie ollu biebmu bálkestuvvo, de lea dat stuora birasváttisvuohta.

Dasa lassin lea áibbas dušši go nu olu biebmu bálkestuvvo, seammás go ollu olbmuin ii leat doarvái biebmu.

Too Good To Go lea nuvttá ja dakkár appa man lea álki geavahit.

Biebmorámbuvrrat sáhttet hehttet ahte buorit biepmut ja gálvvut bálkestuvvojit, mat eai riba nu guhká.

Imaštallanporšuvdna mas lea biebmu mii lea báhcán liiggás, biddjo hálbái appas.

Dat gii háliida sáhttá ovdagihtii oastit dan ja viežžat dan doppe gos dat fálaldat lea.

 

Buorre čoavddus

Preassadieđáhusas čállo ahte Too Good To Go lea buorre čoavddus appa boradanbáikkiide, go eai dárbbat bálkut borramušaid, ja olbmuide geat háliidit oastit buori ja hálbbes biepmu, seammás go lea buorre birrasii.

Appa bokte jođihedje 4000 borramuša mat livčče mannan ruskalihttái, juohke beaivvi. 

 

Heahpatvuohta rámisvuhtii

2016 rájes leat badjelaš 1,5 miljovnna borramuša hehtten bálkestuvvot.

Badjelaš 600 000 norgalačča leat viežžan appa, ja sullii 1200 boradanbáikki leat dieđihuvvon mielde dán rádjái. 

– Ovdal soittii leat heahpat viežžat hálbbes biepmu, muhto dál lea dat jorgalan. Olbmot leat rápmásat go leat mielde unnideame biebmojávkku, ja dat lea issoras buorre, lohká Wiik.

Finnmárkkus leat muhtin boradanbáikkit mielde, mat leat Hámmárfeasttas, Álttás, Kárášjogas, Čáhcesullos ja Girkonjárggas.

-Almmuhus-