Almmuhus

Almmuhus

Náittos­lohku njiedjan gitta 1994 dássái

Govva: NTB scanpix

Diibmá eai lean nu oallugat geat náitaledje Norggas, ja ferte geahčestit 1994 rádjái ovdal go oaidná nie vuollegis náitalanlogu.

Almmuhuvvuon: 
Bearjadat, 22 Guovvamánu, 2019 - 14:42
Fáddásánit: 

Diibmá náitaledje 20 949 bára Norggas. Go geahččat 1994, de lei 975 000 unnit olmmošlohku Norggas, seammás go 19 999 bára náitaledje, čájehit Statistihkalaš guovddášdoaimmahaga logut mat gusket náitalemiide.

2018:s lei lohku njiedjan náitaleddjiid gaskkas 1200 bárain, go jagi ovdal.

Buot fylkkain njiejai lohku, earret Vestfoldas. 2018:s ledje 9500 bára geat earránedje ja 10 600 separašuvnna.

Ledje 300 unnit geat earránedje 2017 ektui ja separašuvnnat fas lassánedje.

 

Seamma sohkabeliid

Náitaleapmi seamma sohkabeliid gaskkas lassánii 2013:s 2017 rádjái go lohku lassánii 250:s 330 rádjái.

58 proseantta náitaleddjiin ledje nissonolbmot. Jagi ovdal lei dát lohku 64 proseantta.

Earráneamit ledje maid eanet nissonolbmuid gaskkas go dievdduid gaskkas diibmá.

Ledje 88 nissonbára geat ohce separašuvnna, ja ledje 55 earráneami.

Dievdduid gaskkas earránedje 25 bára  ja 53 bára ohce separašuvnna.

(©NTB)

 

Ovdasiiddus dál