-Almmuhus-
OĐĐASATKollektiivajohtolat ovdána Finnmárkkus

Kollektiivajohtolat ovdána Finnmárkkus

-

-

2018 kollektiivabaromehter čájeha ahte Finnmárkku kollektiivafálaldat lea rievttes guvlui manname.

Vaikko lea dušše bealli álbmogis geat leat duhtavaččat fálaldagain, de lea liikká ­positiiva ovdáneapmi.

Eatnasat dovdet ahte lea álki ja oadjebas mátkkoštit, seammás jáhkket ahte eambbogat atnigohtet kollektiivavuogi go mátkkoštit boahtteáiggis, čállá Finnmárkku fylkkagielda ­preassadieđáhusas. 

2016:s lei Finnmárku ollu maŋŋelis baromehteris, go dušše 25 proseantta lei duhtavaš. Guokte jagi maŋŋel lei loktanan 35,2 prosentii. Dainna lea Finn­márku ovdánan eanemusat. 

 – Stuorát gávpotguovllut, nu go ­Romsa, leat bálkkašanortnegis mielde mas ožžot doarjaga ovddidit kollektiivajohtolaga, ja dat mearkkaša ahte lunddolaččat leat doppe duhtavaččabut fálaldagain. Go buohtastahttá Finnmárkkuin, de lea Finnmárku olahan ollu, unnit doarjagiin, mii dagaha ahte nannejit vel eambbo bohtosiid, lohká johtalushoavda Per Bjørn Holm-Varsi. 

 – Raporta čájeha ahte mii leat rievttes guvlui manname bargguin, ovddidit Finnmárkku kollektiivafálaldaga, čuožžu ­preassadieđáhusas.

-Almmuhus-