Almmuhus

Almmuhus

Kirsti Bergstø evtto­huvvon vuosttaš­kandidáhttan ja fylkka­sátnejođiheaddje­evttohassan

Njeallje bajimus evttohasa Finnmárkku ja Romssa Sosialisttalaš gurutbellodagas, gurutbealde govas; Tommy Berg, Bjarne Rohde, Kirsti Bergstø ja Katrine Boel Gregussen. Preassagovva.

Romssa ja Finnmárkku Sosialisttalaš gurutbellodat (SG) lea ceggen ođđa listtu fylkkaválggaide čakčii, ja Unjárgalaš Kirsti Bergstø lea evttohuvvon vuosttažin listui.

Almmuhuvvuon: 
Vuossárga, 18 Guovvamánu, 2019 - 11:46
Fáddásánit: 

Muđuid leat lassin Bergstøain bajimusas listtus, Romsalaš Bjarne Rohde, Áltálaš Tommy Berg ja Leaŋgáviikalaš Katrine Boel Gregusson.

– Mun lean hui ilus go lean nammaduvvon bajimus evttohassan, ja lean ilus go lea nu buorre joavku mu fárus. Vaikko mii eat doarjjo fylkkaid ovttastuhttima, de áigut bargat álbmoga ovddas dan guovtti fylkkas, lohká Bergstø.

Sii áigot leat bargoolbmuid jietnan, ja oaivvildit ahte resurssat leat olbmuide buorrin, guolli buktá árvoloktema davvin ja skuvllat galget nannejuvvot ja bisuhuvvot lagašbirrasis.

Sii lohpidit rahčat ruvkebázahusaid vuostá luoitimis merrii Riehpovuonas.

Ovdasiiddus dál