Ikte eahkedis ledje guokte viessobuollima Finnmárkkus. Dán dieđihit Finnmárkku politiijat Twitteris.
Ii oktage roasmmohuvvan go muhtin viessu buollái Kirkonjárggas ikte eahkedis. Sihke buollinčáskadeaddjit, dearvvašvuođabargit ja politiijat šadde vuolgit Storhaugen nammasaš báikái, Kirkonjárggas gos muhtin stohpu lei buollán. Buollinčáskadeaddjit nagodedje čáskkadit dola, muhto viessu lea oruhahtti suova ja hája geažil.
Gievkkanis buollán
Honnesvágis maid šadde buot heahteveahkit johtui go dieđihuvvui buollin muhtin viesus ikte eahkedis. Viesus lei gievkkanis buollán, buollinčáskadeaddjit nagodedje čáskkadit dola, muhto gievkkan lea billašuvvan suova ja hája geažil. Politiijat dutket ášši.
