-Almmuhus-
-Almmuhus-
-Almmuhus-
OĐĐASATGeaidnopolitiijat dárkkistedje johtolaga sis-Finnmárkkus

Geaidnopolitiijat dárkkistedje johtolaga sis-Finnmárkkus

-

-

Bearjadaga ledje geaidnopolitiijat dárkkisteame meanuid johtolagas, ja sihke Guovdageainnus ja Kárášjogas ledje soapmásat geat vudjet badjel leahttoráji.

Bonjákasas leat geaidnopolitiijat dárkkistan 38 vuojána johtolagas, eai ge gávdnan makkár ge ášši masa reagerejit.

Geaidnopolitiijat fitne Deanus maid, ja dárkkistedje dokumeanttaid, lea go okta ge gárrenoaivvis ja mot láhttejit johtolagas. Politiijat dárkkistedje 14 vuoddji, eai ge gávdnan boasttuvuođaid.

 

Logis sáhkkohalle

Guovdageainnus mihtidedje geaidnopolitiijat leahtu luottas gos lea 50 km leahttorádji. Viđas gártet máksit go vudje badjel leahttoráji. Sus gean alimus leahttu lei, vujii 69 km/diimmus maid politiijat mihtidedje.

Kárášjogas mihtidedje geaidnopolitiijat johtolaga luottas gos lea lohpi vuodjit 80 km/diimmus. Ledje viđas geat vudje beara alla leahtuin ja fertejit máksit sáhku dan ovddas. Alimus leahtu mihtidedje 108 km/diimmus.

 

 

 

-Almmuhus-