-Almmuhus-
OĐĐASATÁvžžuhit divrriid gozihišgoahtit

Ávžžuhit divrriid gozihišgoahtit

-

-

Divrriid dilli rievdá dramáhtalaččat, ja váikkuhusat sáhtte stuorrut. Máhtu loktet ja eanet doaimmaid lea dárbbašlaš čađahit, oaivvildit dutkit geat ávžžuhit miehtá riikka gozihit divrriid.

– Mis lea vuođđu jáhkkit ahte dilli lea ollu rievdan divrriin Norggas, ja daid maŋemus 100 jagi, muhto eat dieđe dan duohta dili ja man jođánit rievdamat leat. Vaikko diehtit divrriid áitojuvvon dili, de fertet bidjat johtui doaimmaid vai nagodit čuovvut rievdadusaid ja álggahit doaimmaid, lohká Norgga Luonddudutkaninstituhta (NINA) dutki Jens Åström.

Divrriin lea dehálaš doaibma ekovuogádagas, earret eará go leat biebmun, boradivrin, parasihttan, doajáldahkan ja gavjadolvvodeaddjin.

Ovddeš dutkamiid vuođul ávžžuhit finadit gaskal 100 ja 200 báikkis juohke njealját dahje viđat  jagi, go de sáhttá oaidnit rievdadusaid, čállá NINA preassadieđáhusas.

Dutkit jurddašit golahit birrasii 20 miljovnna ruvnno dakkár prošektii, ja álggahit pilohtaprošeavtta.

Go čogget dieđuid divrriid birra, de bidjet divregilláriid ja sirrejit daid. 

-Almmuhus-