-Almmuhus-
-Almmuhus-
-Almmuhus-
KULTUVRAVeahtinfitnodat almmuhan geasa lea eanemus jáhkku vuoitit MGP

Veahtinfitnodat almmuhan geasa lea eanemus jáhkku vuoitit MGP

-

-

Bearjadaga almmuhuvvojedje lávlagat mat gilvalit beassat ovddastit Norgga go máilmmi stuorimus internašunála lávlungilvu lágiduvvo Israelas.

Ávvir lea odne čállán ahte okta dain artisttain mii gilvala beassat ovddastit Norgga, lea KEiiNO joavku, mas Fred René Buljo lea mielde.

Veahtinfitnodagat gal jáhkket baicca eanemusat Hank Von Hell dahkat bures dán gilvvus ja beassat hui bajás, ja oažžu veahtinfitnodagaid favorihttamearkka.

– Hank lea juoga eará go dat eará gilvakeaddjit ja buktá juoidá ođđasa. Son lea hárjánan artista, ja mis lea jáhkku ahte punk-rock olaha guhkás dán gilvvus. Hank lea maid dego bávkkalmas lávddis, vaikko son lea heaitán dainna gullon «bahtabávkkalmasain» lávddis, lohká ComeOn! speallanfitnodaga árvvoštalli Fredrik Fodnes.

 

Per Sundnesa favorihtta

Veahtinmárkana bokte isket miellalági ja addá maid juogalágan einnostusa mii boađusin šaddá internašunála dáhpáhusain. 

Per Sundnes lea Norgga čeahpimus Melodi Grand Prix (MGP) diehtti, ja son jáhkká bohtosa šaddat eará go dan maid veahtinfitnodagat einnostit.

– Vaikko MGP lea TV-prográmma, de lea ovddemusat lávlladahkangilvu. Leat logi vássán Bobbysocks ja Secret Gardena gaskkas. Rybak vuittii 2009:s ja dál lea logi jagi fas vássán. Lean gearggus internašunála vuitui. Dán jagi leat gelddolaš lávlagat maid beassat gullat ESC-gilvvus. Mu favorihtat leat Chris Medina lávlagiin «We Try» ja KEiiNO lávlagiin «Spirit in the sky», lohká Sundnes preassadieđáhusas.

Sundnes lea bálkáhuvvon Betsson MGP-čeahppin.

 

Dás oainnát ComeOns! veahtinbohtosiid Melodi Grand Prix 2019:

(Unnimus lohku lea hui buorre, go das jáhkket leat stuorimus vejolašvuođa vuoitit MGP gilvvu)

Hank Von Hell 2.50
Anna Lisa Kumoji 4.00
Chris Medina 5.00
Erlend Bratland. 8.00
Kjetil Mørland 10.00
Carina Dahl 10.00
D´sound 15.00
Adrian Jørgensen 15.00
Ingrid Berg Mehus 15.00
KEiiNO 15.00

-Almmuhus-