Almmuhus

Almmuhus

Per-Mathias Høgmo lea fárren Lássá­gámmii dál

Per Mathias Høgmo lea vuosttaš láigoheaddji Lássagámmis dán jagi. Govven: Terje Pedersen / NTB scanpix

Áigu bargat dutkančállosiin ja lea vuosttaš ássi Lássagámmis dán jagi.

Almmuhuvvuon: 
Gaskavahkku, 9 Ođđajagimánu, 2019 - 15:19
Fáddásánit: 

Per-Mathias lea Rivttáin eret ja lea bargan hárjeheaddjin ja jođiheaddjin sihke našunála ja internašunála dásis.

Son lea áidna gii lea leamaš sihke Sámi ja Norgga nisson- ja dievdojoavkku hárjeheaddji, lassin Romssa, Rosenborga, Djurgården, Fredrikstad ja olu eará joavkkuid hárjeheaddjin.

 

Dutkanbargu

Son lea oahppan adjunkta Romssas eret ja NIH lektor.

Dál lea son Romssa universitehta ráđđeaddi ja Phd studeanta, lassin go lea Fredrikstad FK valáštallanjođiheaddji.

Dan botta go oroda Lásságámmis, de áigu son bargat dutkančállosiin jođiheami birra mii lea čadnon olahuskultuvrii, dieđiha Lássagámmi vuođđudus sin neahttasiiddus.

Lássagámmi lea  Áillohačča viessu Ivgubađas, mii láigohuvvo dutkkiide ja dáiddáriidda geat dárbbašit muhtin áiggi doaimmahit barggu viesus mii lea ráhkaduvvon dutkan- ja dáiddaviessun maŋŋel go Áillohaš jámii 2001s.

Ovdasiiddus dál