Mannan ija šadde politiijat veahkehit sihke gárren olbmuid ja ovtta biilavuoddji.
Manna ija šadde Finnmárkku politiijat veahkehit máŋga gárren olbmo ruoktot, ja sii šadde oalle árrat álgit dáinna bargguin.
– Ii goastan ruoktot
Diibmu 21.56 dieđihii Finnmárkku politiijaguovlu twitteris ahte politiijat Hamerfeasttas leat šaddat veahkehit muhtin njealját-lot jahkásaš albmá ruoktot.
– Son lei badjelmeare gárremin iige goastan ieš ruoktot, čállet politiijat.
Promilladárkkisteapmi
Dákka maŋŋil dieđihedje politiijat ahte leat čađahan promilladárkkisteami Hammerfeasttas.
– 51 vuoddji dárkkistuvvo eai ge lean makkár ge reakšuvnnat, čállet politiijat.
Feastariedja
Badjelaš beal guovttis ihkku dieđihedje politiijat ges ahte sidjiide lea boahtán diehtu feastarieja birra.
– Politiijat leat fitnan báikkis ja gohččon bissehit feastta, čállet politiijat.
Dát dáhpáhuvai Hammerfeasttas.
Doarrun
Diibmu 02.00 ožžo politiijat ges dieđu ahte lei doarrun muhtin olgobáikkis Čáhcesullos.
– Eahpečielggas mii lea geavvan. Leat gohččon beliid guođđit gávpotguovddáža. Politiijat čuovvolit ášši.
Válde koartta
Beal golmma áigge massii ges okta goalmmátlot-jahkásaš almmái vuodjinkoarttas Girkonjárggas.
– Son ii vuodján várrogasat. Šleaŋggihii muhtin luoddaearus gávpotguovddážis, čállet politiijat.
Nissonii sáhttostan ruoktot
Mannan ija leigga maid guokte nissona nu badjelmeare gárremin ahte politiijat šadde sáhttostit sudno ruovttuideaska.
Álgo dáhpáhus galgá leamašan golmma áigge iđđesija, Álttás.
– Politiijat dolvo ruoktot muhtin goalmmátlot-jahkásaš nissona, guhte lei badjelmeare gárremin.
Dakka maŋŋil, diibmu 03.30, šadde ges Hammerfeastta politiijat sullasaš bargui.
– Muhtin guđátlot-jahkásaš nisu, guhte lei badjelmeare gárremin, dárbbašii veahki beassat ruoktot. Politiijat leat veahkehan.
Darvánan biillain
Ovdal go idja jaskkodii, de šadde vel politiijat veahkehit ovtta biilavuoddji Girkonjárggas.
– Politiijat leat veahkehan ovtta olgoriikkalaš biilavuoddji, guhte lei darvánan Bjørnevatn báikkis, čállá Finnmárkku politiijaguovlu twitteris.