FeFo ozai skábmamánus ruđa Finnmárkku Fylkkamánnis, divodan dihte Anárjohtluotta.
Doaimmat maidda FeFo lea ožžon doarjaga lea molsut guokte čáhcebohcci luotta vuolde ja doaresbeal luotta divodit.
Oktiibuot 4000 mehtera galgá divvojuvvot luottas.
FeFo čálii ohcamis ahte oasit luottas leat leamaš nu heittogat ahte ii leat dohkken meahccebiilaluoddan ge, ja dan geažil lea dušše tráktoriin ja meahccebiillain leamaš vejolaš vuodjit.
Luodda ii leat biddjon vuolitklássa luoddan, muhto FeFo lea baicca válljen divodit osiid luottas.
FeFo ozai ja oaččui 98 519 ruvdnosaš doarjaga, muhto eaktu lea ahte guovllus galgá njeaidit 500 m3 smávvabeziid ovdal jagi 2024.
