-Almmuhus-
-Almmuhus-
-Almmuhus-
OĐĐASATGávdnan duššan olbmo buollima maŋŋel Irgavuonas

Gávdnan duššan olbmo buollima maŋŋel Irgavuonas

-

-

35-jahkásaš troandinlaš, gean eai gávdnan maŋŋel buollima Irgavuonas sotnabeaivvi, gávdnui duššan mánnodaga.

– Láhppon dievdu lea gávdnon buollinsajis, ja sáddejuvvo obdukšuvdnii, dieđihit Finnmárkku politiijat.

 

Finnmárkku politiijat leat dutkagoahtán buollima industriijavisttis Irgavuonas, Davvesiiddas, man čáskadišgohte sotnabeaivve. Mánnodaga lei buollin čáskaduvvon ja čáskadeaddjit guđđe báikki.

Rihkusteknihkkárat leat dutkame báikkis. Lea hui buolaš ja lea váttis dilálašvuohta.

– Álggos vuoruhit gávdnat su gean navdit duššan ja čielggadit buollinsiva, dieđiha politibálvahoavda, Einar Ingilæ preassadieđáhusas ovdal go gávdne duššan dievddu mánnodaga.

Politiijat leat dán rádjái gažadan gávcci olbmo.

– Eai sáhte muitalit mii lea čilgejuvvon, muhto diehtit ahte divodanbargu lei jođus go buollái.

Dábálaččat barget 54 olbmo dán rusttegis.

-Almmuhus-