Maŋemuš vihtta jagi leat eambbo go 180 000 oktiibeaškkeheamit juovlamánus.
Okta golmma biilavuoddjis lea ribahan rokčet biillas huša siste. Eanemusat rokčejit biillaid juovlamánus.
Ođđa iskkus, man YouGov lea dahkan, čájeha ahte 34 proseantta sis geain jerre, leat rokčen biilla hušaid siste.
– Buohkat fertejit juovlahušaid siste, skábmaseavdnjadin ja gálja luottaid alde leat veahá eambbo várrogasat go dábálaččat. Juovlamánnu lea vearrámus oktiibeaškkehanmánnu jagis, lohká Frende mohtorfágajođiheaddji, Roger Ytre-Hauge.
Beaškkehan oktii 180 000 geardde
Maŋemuš vihtta jagi leat persovdnabiillat beaškkehan oktii eambbo go 180 000 geardde juovlamánus.
Dat lea máksán Norgga dáhkádusfitnodagaide olles 3,2 miljárdda ruvnno.
Finans Norge logut čájehit ahte 10,3 proseantta persovdnabiilavahágiin Norggas gevvet juovlamánus.
Dušše 2017:s ledje 40 000 persovdnabiilalihkohisvuođa Norggas, mat gárte máksit 725 miljovnna ruvnno.
