-Almmuhus-
-Almmuhus-
-Almmuhus-
OĐĐASATGeahča luossakonferánssa vuosttaš oasi dás

Geahča luossakonferánssa vuosttaš oasi dás

-

-

Dál lea vuosttaš geardde go čohkkejit stuora konferánsii mii lágiduvvo Kárášjogas, ja fáddá lea deanuluossa ja luossabivdu Deanučázádagas. Geahča njuolggosáddaga avvir.no siiddus sihke distaga ja gaskavahkku.

Njuolggosáttá álgá diibmu 09.00 ja bistá diibmu 17.15 rádjai distaga. Gaskavahku álgá sátta diibmu 08.30 ja bistá diibmu 14.30 rádjai.

Distaga iđit álgá Kárášjogas konferánsa deanuluosa birra, mii galgá boktit dialoga luossahálddašeami birra, ja leat diehtojuohkimin mii hehtte riidduid. 

– Joddu prošeakta lea deanuluosa birra dialoga ja diehtojuohkin. Konferánsa lea čuvgen dihte hástalusaid luossahálddašeami ektui Deanučázádagas. Mihttu lea čohkket guovddáš aktevrraid luossahálddašeamis, ja ráhkadit dialogaarena, muitala Joddu prošeaktabargi Anne Smeland.

 

Njuolggosátta Ávviris

Ávvir lágida njuolggosáddaga koferánssas, nu ahte olbmot besset čuovvut dan neahta bokte maid. 

Konferánsasátta álgá distaga diibmu 09.00 ja gaskavahkku diibmu 08:30, dáppe Ávvira neahttasiiddus.

 

Stuorimus konferánsa dán rádjái

Konferánsii boahtá earret eará stáhtačálli Atle Hamar Dálkkádat- ja birasdepartemeanttas, báikkálaš luossabivdit ja searvvit, hálddašeaddjit goabbat bealde riikkaráji, Suoma ja Norgga sámedikkit. 

– Eai goassege ovdal leat čohkken ná olu olbmuid geat galget hupmat luossahálddašeami birra, ja lea vuosttaš geardde go dakkár konferánsa lágiduvvo, muitala Anne Smeland Ávvirii.

-Almmuhus-