Ođđa neahttasiidu, ifengsel.no, gos mánát ja nuorat sáhttet čálašit Kirken Bymisjonain almmuhuvvo gaskavahkku. Fálaldat lea mánáide geat vásihit ahte eadni dahje áhčči lea giddagasas.
Juohke jagi leat birrasiid 6000-9000 máná geat vásihit ahte eadni dahje áhčči leaba giddagasas.
Mánáid vásáhus lea dego lassi ráŋggáštussan ja sáhttet massit váhnemin oktavuođa.
Dávjá dovdá mánná sivalašvuođa ja heahpatvuođa go váhnen lea giddagasas dahje ruovttus čohkkáme duomu ovddas. Ollu mánáin ii leat oktage geainna sáhttet humadit, ja sáhttet leat ollu jearaldagat maidda eai oaččo vástádusa.
Gaskavahkku rahpasa neahttasiidu gos sáhttet čálašit, maid Kirken Bymisjon lágida.
Tabuášši
– Leat ollu ovdagáttut go eadni dahje áhčči lea giddagasas, ruovttus čohkkáme duomus ovddas dahje gárrendilledivššus. Lea hearkkes fáddá ii ge leat álki hupmat dan birra mánáide, nuoraide ja bearrašiidda geaidda dat guoská. Eai leat nu ollugat geat hupmet dan birra, ja mánáide lea váttis jearrat. Ollugiidda šaddá bearaščiegusvuohtan, man birra ii hubmo ruovttus ge, lohká Anette Skjerven, gii jođiha FRI barn og familie, Kirkens Bymisjon.
Buohkain lea jávohisgeatnegasvuohta gii čálaša dan siiddus, ja buot hupmamat galget sihkkojuvvot maŋŋel 72 diimmu.
