Gaskavahku, gaskabeaiáiggi, čađahedje politiijat viessoburgima muhtin dievddu ruovttus, Kárášjogas.
Politiijat burge vuollel guoktelot-jahkásaš dievddu ruovttu ja gávdne hášša.
– Mii leimmet ikte olgun ja burggiimet viesu, dan oktavuođas lea nuorra dievdu váldon gitta ja váidojuvvon narkotihkkageavaheamis. Mis lei narkotihkkabeana mielde, muhto eat gávdnan ollu narkotihka, muitala Porsáŋggu leansmánni Tarjei Leinan Mathisen.
Politiijat duoguštedje hášša man gávdne albmá ruovttus, dan sáddejit viidásit Kriposii dárkkisteapmái.
– Mii bargat systemáhtalaččat ráddjet ođđa rekrutterema narkotihkkabirrasii, dadjá leansmánni.
Áššedutkama geažil eai atte politiijat eambbo dieđuid ášši birra.
