-Almmuhus-
-Almmuhus-
-Almmuhus-
OĐĐASATHuksejit ođđa kája Áltái

Huksejit ođđa kája Áltái

-

-

– Olbmot dáidet fuomášan ahte leat ihtán ávdnasat báikái gos kája lea. Lassin fanasšaldái ja eará diŋggaide gáttis, de lea boahtán ođđa govdunkája mii galgá leat lassin dan ođđa kombikájai, lohká doaibmi johtolathoavda Jørgen Blix.

Finnmárkku fylkkagielda galgá huksegoahtit ođđa kája Buktas Álttás, man bokte biillat besset fatnasii.

Mánnodaga skábmamánu 19. beaivvi dohkkehuvvui šiehtadus fylkkagieldda ja HAK Entreprenør AS gaskkas, čállá Finnmárkku fylkkagielda preassadieđáhusas.

 

Gárvánit ovdal beassážiid

– Maŋemus áiggi leat guhkidan elrávnnji gitta kája rádjái, ja das ovddos lassána aktivitehta dađistaga go HAK Entreprenevra álggaha barggu, lohká Blix.

Šiehtadusas lea 5,6 miljovnna ruvnno árvu, oktan momssain, ja kája galgá gárvánit njukčamánu álggu rádjái boahtte jagi.

-Almmuhus-