Okta viđa olbmos dovdá muhtima gii lea njihtan dáhkádusa. Dáhkádusfitnodagat dieđihit ahte rehálaš olbmuide gártá divrrasin go olbmot njihtet.
2018 álgojahkebealis almmustahtte 576 dáhpáhusa dáhkádusnjihtamis ja gaskamearálaš supmi lea birrasii 300 000 ruvnno. 2017:s almmustahtte dáhkádusnjihtamiid 428 miljovnna ruvnno ovddas, mii lea ođđa olahus.
Finans Norge lea almmuhan loguid.
– Dát logut čájehit ahte eambbo ja eambbo olbmot válddahallet go geahččalit njihtat dáhkádusa. Mađi eambbosat válddahallet, dađi buoret. Dát čuohcá rehálaš gávppašeddjiide nu ahte dáhkádushattit divrot. Dáhkádusnjihtan čuohcá buohkaide, dadjá Frende dáhkádusa guorahallanhoavda, Yngve Høvig preassadieđáhusas.
