Šattai oassálastiolahus ja hui buorit bohtosat geasseskuvllain joatkkaskuvlla dásis Finnmárkkus.
Finnmárkku fylkkagielda ja Seastinbáŋkovuođđudus Seastinbáŋku1 Davvi-Norga leat máŋggaid jagiid ovttasbargan geasseskuvllaid lágidemiin fidnofágaohppiide ja oahpahalliide Finnmárkkus geat eai leat ceavzán matematihkas, luonddufágas ja eaŋgalasgielas. Hámmárfeastta, Álttá, Čáhcesullo, Leavnnja ja Girkonjárgga joatkkaskuvllat leat čađahan geasseskuvllaid, ja Seastinbáŋkovuođđudus fas lea ruhtadan lágidemiid.
Dán jagi olahedje ođđa olahusa ohppiiguin geat serve geasseskuvllaide. Oktiibuot ledje 92 oassálasti dain fálaldagain. 67 oassálasti (72%) cevze ođđa eksámena geasseskuvllain, juogo ovtta dahje guovtti fágas.
Ceavzán
Oahppohoavda Margunn Blix dadjá muhtun kommentáras ahte Finnmárkku fylkkagildii lea dehálaš dat buorre Finnmárkkuskuvla.
– Lea hui positiiva go mii nagodit loktet ohppiid geat eai leat ceavzán ja nagodit ceavzit geasseskuvlafálaldagain maid mii fállat. Skuvllat barget máilmmi buori barggu ohppiiguin ja oahpahalliiguin. Mis lea leamaš buorre lasáhus joatkkaskuvllaid čađahemiin, ja geasseskuvllat leat veahkkin das oažžut lassánit, dadjá Blix.
Servodatovddasvástádus
– Lea hui buorre go Seastinbáŋkovuođđudus Seastinbáŋku1 Davvi-Norga mii lea hui dehálaš ovttasbargoguoibmi mis, veahkeha ekonomalaččat nu ahte mii nagodit realiseret dakkár fálaldaga iežamet ohppiide. Sii váldet stuora servodatovddasvástádusa fárrolaga minguin. Mis ii livčče ekonomiija akto dan čađahit, dadjá oahppohoavda.
Dán jagi bovdii maid fylkkagielda ohppiin stáda sámi joatkkaskuvllain oažžut geasseskuvlafálaldaga. Nuppi skuvlla oahppit serve.
Dan rájes go fylkkagielda ovttasbargagođii Seastinbáŋkovuođđudusain Seastinbáŋku1 Davvi-Norggain leat measta 300 geasseskuvlaoahppi ja muhtun oahpahalli ceavzán eksámena.
– Mii áigut čađahit geasseskuvllaid boahtte jagi maid jus mis lea nu lihkku ahte lea ain ekonomalaš doarjja, dadjá Blix.
