-Almmuhus-
OĐĐASATSuohkanat háliidit vejolašvuođa oastit eatnamiid

Suohkanat háliidit vejolašvuođa oastit eatnamiid

-

-

Fylkkadiggi galgá golggotmánu 17. ja 18.beivviid dohkkehit ođđa strategiijaid Finnmárkkuopmodagas. Eananhálddašeapmi, čuovvoleapmi ja ekonomiija leat oasit FeFo strategiija sisdoalus.

2014:s dohkkehuvvui strategiijadokumeanta mii dál lea doaimmas, ja suohkaniidda lea addon vejolašvuohta buktit cealkámušaid.

Suohkanat leat cealkán ahte sii háliidit lagat dialoga FeFoin, suohkanat háliidit maid oažžut vejolašvuođa oastit eatnamiid dehálaš doaimmaide ja lea celkon ahte sávvet buriid rámmaeavttuid servviide ja joavkkuide.

 

Eaiggáduššat dahje láigohit

Fylkkamánni Øystein Ruud lea áššemeannudeamis čállán ahte láigohit ovdalii go vuovdit ferte leat váldonjuolggadus, muhto areálaid vuovdin, mat leat dehálaččat servvodatovdánahttimii, rahppo suohkaniidda.

– Go vuovdá suohkaniidda eatnamiid, de lea almmolaš stivren dain guovlluin, dan ektui go ealáhussii vuovdit ja priváhta olbmuide, čállá son.

Strategiijas lea maid mihttun bidjat čanastusa FeFo stivrii, ja čilget bargguid maid galget dahkat. Dokumeanta galgá maid leat reaidu Finnmárkku fylkkasuohkana politihkalaš áššiide mat gusket FeFoi. 

Boahtte vahkku gieđahallá Fylkkadiggi ášši.

 

-Almmuhus-