Finnmárkku fylkkagielda juohká juohke jagi fylkkabálkkašumi ovtta olbmui, organisašuvdnii dahje institušuvdnii skeaŋkan fylkka kulturealáhusa áŋgiruššama ovddas. Dán jagi bohte 18 evttohusa.
Fylkkakulturbálkkašumi árvu lea 30 000 ruvnno ja galgá addot olbmui dahje organisašuvdnii fylkkas, mii lea čájehan bissovaš návccaid ja áigumuša áŋgiruššat aktiivvalaččat kulturealáhusas.
Dá leat dán jagáš evttohusat kulturbálkkašupmái:
Ebba Joks/Deanu kulturskuvla
Duo Maret Hætta Øverli ja Klemet Anders Buljo
Sørøyrocken
Arvid Petterson
Dáiddadállu
Máret Sárá
Kjell Magne Stålsett
Nuortaváhki skuvla ja nuoraidkorpsa/Dan Oliver Wasa
Honningsvåg Blandakor
Jorid Jacobsen
Čáhcesullo Jazzklubb/Varangerfestivalen
Roger Albrigtsen
Gamle Mårøy venneforening
Elle Marja Eira
Samovarteateret/Bente Andersen
Anne Therese Eriksen
Hámmárfeastta kulturskuvla/Liisa Tuomaala
Biret Elle Láilá/Laila Somby Sandvik
Njuolggadusaid mielde ii sáhte fylkkakulturbálkkašupmi geigejuvvot eaŋkilolbmui ii ge geigejuvvot dakkárii gii lea virgáduvvon almmolaččat bargat kulturbargguin. Kulturbálkkašupmi ii sáhte geigejuvvot go oktii seamma olbmui.
Kultuvrra, álbmotdearvvašvuođa ja johtalusa (HUFKS) váldolávdegoddi mearrida golggotmánu 9. beaivvi geasa addet dán bálkkašumi. Bálkkašupmi geigejuvvo golggotmánu 17. beaivvi fylkkadiggesálas Čáhcesullos.