Ođđa iskkus studeanttaid dearvvašvuođa ja loaktima birra čájeha ahte 29 % studeanttain leat duođalaš psyhkalaš givssit. Dát vuorjašuhttá Stuoradiggeáirasa Nina Sandberga.
Ikte, čakčamánu viđát beaivvi almmuhuvvo stuorámus dearvvašvuođa- ja loaktiniskosa bohtosat.
Dát iskkus, Studeanttaid Dearvvašvuođa- ja Loaktiniskosis (SHOT), lea studeanttaid váste, ja badjel 50 000 studeantta leat vástidan.
– Gávdnosat Studeanttaid Dearvvašvuođa- ja Loaktiniskosis (SHOT) čájehit kritihkalaš logut, ja lea dramáhtalaš ahte juohke njeallját studeanttas leat duođalaš psyhkalaš givssit, dadjá Stuoradikki nuoraidlávdegoddi Nina Sandberg (Ap) preassadieđáhusas.
Lassánan gávcciin proseanttain
2014:s ledje ovtta 21% studeanttain duođalaš psyhkalaš dávdamearkkat.
Dalle lohpidii Olgešbellodat ja Ovddádusbellodat bargagoahtit dáinna, ja Stuoradikki eanetlohku juolludii ruđa eastadeapmái.
Dál lea dát lohku lassánan 29%.
– Maid lea ráđđehus dahkan dainna ruđain, ja bidjetgo ođđa doaimmaid mat doibmet, jearrá Sandberg.
