-Almmuhus-
-Almmuhus-
-Almmuhus-
OĐĐASATRáđđehus ruhtada Hámmárfeastta ođđa buohcceviesu

Ráđđehus ruhtada Hámmárfeastta ođđa buohcceviesu

-

-

Duorastatiđida duođaštii dearvvašvuođaministtar Bent Høie ahte Hámmárfeastta ođđa buohcciviessu lea stádabušeahtas mielde.

Lea rehkenastojuvvon ahte buohcceviessu máksá sullii 1,95 miljárdda ruvnno.

Dál álggahuvvo álgoprošeaktaáigodat, mii bistá miessemánnui boahtte jagi.

– Dá lei buorre álgu beaivvis. Lea dehálaš buohkaide midjiide, geat orrut fylkkas ja háliidit ođđa buohcciviesu Oarje-Finnmarkui, ja addá ođđa movtta joatkit barggu cegget ođđa buohcciviesu, lohká Finnmárkku Buohcceviesu direktevra, Eva Håheim Pedersen preassadieđáhusas.

 

– Buorre go ráđđehus čájeha dáhtu áŋgiruššat

Direktevra lea movttet go ráđđehus dáinna lágiin čájeha ahte háliidit ođđa buohcceviesu Oarje-Finnmárkui, muhto dadjá maiddái ahte Finnmárkku Buohcceviesus ain lea bargu ovdal loahpalaš mearrádusa.

– Olgguldas rámmat leat vuđolaš eavttut dasa ahte galgat sáhttit addit buoremus dearvvašvuođafálaldaga olbmuide. Dearvvašvuođafálaldat lea okta dain deháleamos fálaldagain mii mis lea, ja lean buore mielas go ráđđehus čájeha dáhtu áŋgiruššat oažžut buori dearvvašvuođafálaldaga Finnmárkui, lohká son.

-Almmuhus-