Almmuhus

Almmuhus

Girjásčearu ášši loktejuvvo Ruoŧa Alimus duopmostullui

Dá lea guovlu mii lea riidoáššin Girjásčearu ja Ruoŧa stáhta gaskkas. Šearbmagovva.

Odne almmuhuvvui ahte Girjásášši galgá gieđahallot Ruoŧa Alimus duopmostuolus.

Almmuhuvvuon: 
Duorastat, 6 Čakčamánu, 2018 - 18:13
Ođastuvvon: 
Ođastuvvon: 07.09.2018 - 12:44
Fáddásánit: 

Ođas almmuhuvvui odne, duorastaga čakčamánu 6.beaivvi. 

Sihke stáhta ja čearru váiddiiga ášši viidáseappot maŋŋel Hoavvarievtti mearrádusa. Dál galgá ášši geahččaluvvot Ruoŧa Alimus duopmostuolus. Ášši duogáš lea mearridanriekti gii galgá beassat mearridit bivddu ja guolásteami Girjásčearu guohtuneatnamiin.

 

Máŋggaid jagiid jorran dikkis

Girjás ášši lea bistán 2009 rájes. Dalle stevdnii Girjás čearru ja SSR Ruoŧa stáhta go áigo oažžut čielggadeami geas lea riekti bivdit ja guolástit Girjásguovllu váriin.

Guovvamánu 2016:s vuittii Girjás čearru diggegottis, muhto stáhta váiddii ášši hoavvariektái.

Ođđajagemánu 23. beaivvi celkkii hoavvariekti duomu. Girjás čearus lea eanet vuoigatvuohta beassat bivdit ja oaggut guovllus go stáhtas, muhto eai beasa addit viidáseappot dan rievtti earáide stáhta gulahallama haga, čállá Sameradion & SVT Sápmi ášši birra.

Ovdasiiddus dál