Gieskat bođii ovdan ođđa iskosis ahte okta golmma studeanttas dovdá iežas okto. Frivillighet Norge jáhkká eaktodáhtolaš barggu dasa dálkkasin.
– Áŋgiruššat eaktodáhtoaš bargui sáhttá leat dálkkasin oktovuođa vuostá. Mii eat oainne oktonas studeanttaid gillájeaddjin geat dárbbahit doaimmaid, muhto resursan geain leat ođđa vejolašvuođat, lohká Frivillighet Norge generálačálli, Stian Slotterøy Johnsen preassadieđáhusas.
Ođđa filbma almmuhuvvo
Odne almmuhuvvo ođđa filbma, mas fuomášupmi lea biddjon studeanttaid oktonasvuhtii, ja dasa mo eaktodáhtolaš bargu sáhttá leat čoavddusin – go dáinna lágiin sáhttá olmmoš oahpásnuvvat eambbosiiguin studerenbáikkis.
– Go eaktodáhtolaš bargu čohkkejuvvo ja rahpá ođđa uvssaid, nu go Frivillig.no, de lea álkit gávdnat buriid searvevuođaid gos sáhttá áŋgiruššat, maiddái studeanttaide, lohká Johnsen.
