Jus ássangolut lassánit seamma jođánit go viessoreantu ja elrávdnjehaddi lassánit, de šaddat geavahit eanet ruđa dietnasis máksit orrungoluid.
Jus ássangolut lassánit seamma jođánit go viessoreantu ja elrávdnjehaddi lassánit, de šaddat geavahit eanet ruđa dietnasis máksit orrungoluid.
2010:s gitta 2017:i rádjái leat orrungolut lassánan 39 proseanttain maid leat mearridan eiseválddit. Dat leat divadat suohkanii, opmodatvearru ja elrávdnjedivadat.
Golut maid márkan mearrida, nu go divodeapmi, dáhkádus, reantolassáneapmi ja energiijagollu, leat njiedjan golmmain proseanttain.
Suohkan ja stáhta eanemus
Leat divadat stáhtii ja suohkaniidda mat váldet stuorámus oasi ássangoluid lassáneamis.
– Jus stáhta ja suohkan ain lasihit divadiid dáinna leahtuin, seammás go vurdojuvvon ássangolut lassánit, de šaddet ruovttudoalut ráhkkanit ahte divru ássat. Dat ii leat vuogas ovdáneapmi, lohká Huseierne váldočálli Morten Andreas Meyer NTB infoi.
Viessobáŋku lea ráhkadan reaiddu mainna sáhttá iskat man ollu máksá ássat suohkanis gos orut ja ránnjásuohkaniin. (Sierra neahttasiidu olggobealde Ávvira siiddu).
