Dievdu, gii lea badjelaš 20-jahkásaš, deaivvahalai luođain oaivái ja roasmmohuvai go lei bivddus lávvordaga Vártnas.
– Son lea roasmmohuvvan go deaivvahalai luđđii, ja dáhpáhus lei bivddu oktavuođas, dieđiha Romssa politiijaguovlu Twitteris.
TV2 dieđiha ahte dievdu deaivvahalai oaivái, ja lea girdiin dolvojuvvon Davvi-Norgga buohccevissui Romsii. Buohcceviessu dieđiha Nordlys aviisii ahte dievdu lea stabiila ja lea roasmmohuvvan.
– Dáhpáhusa duogáža dan lihkohisvuođas eat dieđe vel. Politiijat isket ášši, čállet politiijat.
Dievdu lea oassin bivdojoavkkus Vártnas Romssas.
– Son deaivvahalai oaivái. Son lei gozuid alde go diehtu bođii dáhpáhusa birra, lohká operašuvdnajođiheaddji Karl Erik Thomassen Nordlys avisii.
(©NTB)
