-Almmuhus-
OĐĐASATVeahkaválddálašvuohta Anárjoga guovllus

Veahkaválddálašvuohta Anárjoga guovllus

-

-

Politiijat, guokte ambulánssa ja Seaking leat bearjadatiđida jođus Anárjoga guvlui. 

Bearjadatiđida leat politiijat, guokte ambulánssa ja Seaking jođus Anárjoga guvlui.

Politiijain eai leat vel váile ovccis nu olu dieđut áššis.

– Sáhtán duođaštit ahte doppe lea veahkaválddálašvuohta geavvan, eambbo in dieđe vel dál. Juste gos dát lea dáhpáhuvvan lea maid ain eahpečielggas, muhto mii leat jođus báikái dál, dadjá Finnmárkku politiijaguovllu operašuvdnahoavda, Torfinn Halvari Ávvirii.

 

Nuoraidskuvlla oahppit guovllus

Maŋimuš beivviid leat Kárášjoga nuoraidskuvlla oahppit leamašan mátkkis Anárjohtleagis, sii leat ain guovllus. 

Kárášjoga vuođđoskuvlla rektor, Jan Gunnar Johansen, muitala Ávvirii ožžon duođaštuvvot ahte dáhpáhus ii gula skuvlii moktege.

– Oahpaheaddjit geat leat luohkáid mielde mátkkis, leat riŋgen munnje dál iđđes ja muitalan ahte guovllus lea dáhpáhuvvan juoga. Sii eai dieđe mii dat lea, muhto muitaledje ahte dáhpáhus ii leat leamašan sin lahka obanassiige, eai ge leat oaidnán maidege. Buot nuorain manná bures, iige dáhpáhus leat geavvan nuoraid gaskkas, čilge rektor.

Sii leat mearridan joatkit mátkki nu mo plánejuvvon.

– Nu guhká go politiijat eai leat ávžžuhan min guođđit guovllu de joatkit mátkki. Nuorat galget aŋke jo ruoktot moatti diimmu geahčen, muitala Johansen.

 

Ávvir čuovvu ášši.

 

-Almmuhus-