*/
Go Badje-Álttá skuvlla čuođi ohppiin álgá fas skuvla borgemánu 20. beaivvi, galgá sis áibbas ođđa, oadjebas skuvlageaidnu.
*/
Dál leat maŋemus bargobeaivvit luoddabarggus Badje-Álttás E45 luottas (ovddeš riikkaluodda 93). Vázzin- ja sihkkelgeainnuid beassá váldit atnui go skuvllat álget, muhto rahpan váldogeainnus ii čalmmustahttojuvvo ovdal čakčamánu, go buot lea sajis.
Buorre bargu
– Lea bargon hui nana, buorre bargu, ja dat ođđa rusttet lea šaddan hui buorre, dadjá huksenjođiheaddji Kjetil Romsdal Stáda Geaidnodoaimmahagas Finnmárkkus preassadieđáhusas.
Dál lea eanas bargu dahkkon, vuosttaš asfálta lea bidjon ja maŋemus barggut vel dahkkojit daid beivviid.
