Okta almmái 20-jagiin lea váldon gitta politiijaide go galgá leat sihke suoládan fitnodagas, suoládan biilašilttaid ja geavahan gárrenmirkkuid.
Politiijat dieđihit Twitteris veahá badjel logis duorastatiđida ahte okta almmái lea váldon gitta Hammarfeastas.
Olu verrošan
Dasa lassin ahte almmái lea suoládaddan muhtin fitnodagas, de galgá maid leat suoládan biilašilttaid muhtin eará billas ja gidden daid iežas biilii mii ii lean registrerejuvvon.
Dáinna biillain son maiddái galgá leat vuodján go suoláduvvon šilttat ledje biddjon.
Narkotihkkageavaheapmi
Almmái, gii lea 20-jagiin, lea maid váldon gitta dan dihte go lea geavahan gárrenmirkkuid.
