-Almmuhus-
OĐĐASATFatnasis buollán

Fatnasis buollán

-

-

Mannan ija lei ruoššafanas buollán Báhcavuonas, dán dieđiha Finnmárkku politiija Twitteris.

Gaskaija áigge bođii politiijaide diehtu ahte muhtin ruoššafatnasis, mii lea Báhcavuonas, lei buollimin. Buot heahteveahkit manne báikái. Dat 17:s geat ledje fatnasis leat evakuerejuvvon.

Guovtti áigge ihkku dieđihuvvui ahte buollin lei čáskaduvvon ja ahte buollin lei álgán fabrihkka bealde fatnasis.

Buollinčáskadeaddjit dieđihedje fas diibmu 3.42 politiijaide ahte fatnasis lei fas buolligoahtán ja ahte sii leat vuordimin veahki suovvabukčiin.

Otne iđđedis, ovdalaš gávcci čálle politiijat Twitterii ahte dolla lei čáskaduvvon fatnasis ja buollinčáskadeaddjit áigot vel bearráigeahččet ja dárkkistit ahte buollin ii fas álgge ođđasit.

 

 

-Almmuhus-