Čakčabivdu ii dárbbat leat divrras. Ollu fiinna bivdoguovllut leat rahpasat eanaš olbmuide ii ge mávsse go moadde čuđeža bivdit doppe.
Čakčabivdu ii dárbbat leat divrras. Ollu fiinna bivdoguovllut leat rahpasat eanaš olbmuide ii ge mávsse go moadde čuđeža bivdit doppe.
– Norggas leat earenoamáš dilis go stáhta eaiggáduššá eanaš oasi eatnamiin Norggas, dahje nuppiin sániin; álbmot eaiggáduššá. Eará riikkain leat eatnamat priváhta hálddus, ja muhtin báikkiin lea bivdu dušše riggámusaide, lohká Torbjørn Kvien Madsen iNatur:as.
Statskog stuorámus eaiggát
Statskog lea stuorámus eanaeaiggát Norggas, ja doalaha rabasin stuora osiid luonddus, earret eará Romssas ja Nordlánddas smávvafuođđobivddu várás.
De beassá bivdit guovlluin nu go Børgefjell álbmotmeahcis, Sáltoduottar-Čáhppesjieŋa álbmotmeahcis, Rago álbmotmeahcis, Dieváidvuovddis, Sáččá ja Ráissa álbmotmeahcis.