-Almmuhus-
-Almmuhus-
-Almmuhus-
OĐĐASATOđđa hoavda gearggus jođihit go Torbjørn Naimak heaitá guovlluhoavdan

Ođđa hoavda gearggus jođihit go Torbjørn Naimak heaitá guovlluhoavdan

-

-

Guovlluhoavda Torbjørn Naimak manná ealáhahkii juovlamánu 1.beaivvi dán jagi. Ođđa guovlluhoavdan šaddá Turid Stubø Johnsen.

– Lean hui giitevaš vejolašvuođaid ja luohttámuša ovddas maid lean ožžon dan 44 jagis go lean bargan Stáda geaidnodoaimmahagas. Ovttas čeahpes ovttasbargiiguin lea leamaš máinnaslaš mátki johtolathistorjjás, lohká Torbjørn Naimak, gii devddii 70 jagi geassemánu 24. beaivvi, čállá Stáda geaidnodoaimmahat preassadieđáhusas.

 

15 jagi guovlluhoavdan

Torbjørn Naimak lea leamaš Stáda geaidnodoaimmahaga hoavdan ollu jagiid, ja maŋemus 15 jagi lea jođihan guovlluhoavdavirggis davvin.

Geaidnodirektevra Terje Moe Gustavsen lea giitevaš guovlluhoavdda barggu ovddas gii dál luohpá virggis.

– Orun priviligerejuvvon go lean beassan doaimmahit lagas ovttasbarggu ná čeahpes olbmuin. Sihke Stáda geaidnodoaimmahat ja mun giittán dan nanu barggu maid Torbjørn lea dahkan vai Davvi-Norggas lea oadjebas jođašit sihke priváhta ja profešuneala johtolahkii, lohká Gustavsen.


Stáda geaidnodoaimmahaga ođđa guovlluhoavda Turid Stubø Johnsen. Preassagovva.

 

Ođđa guovlluhoavda

Boahtte guovlluhoavddavirgi ii galgga leat bissovaš go boahtteáiggis leat ollu rievdadusat. Dál virgáduvvo Turid Stubø Johnsen guovlluhoavdan ja son álgá doibmii juovlamánu 1. beaivvi.

– Su gelbbolašvuođain, man lea háhkan sihke Geaidnodirektoráhtas ja Stáda geaidnodoaimmahagas Nuortaguovllus,  de lea jáhkku ahte Turid čoavdá guovlluhoavdda bargguid hui bures, lohká geaidnodirektevra Terje Moe Gustavsen preassadieđáhusas.

-Almmuhus-