Finnmárkku ja Murmánskka politihkalaš jođiheaddjit deaivvadit Murmánskkas gaskavahku.
Gaskavahkku deaivvada Finnmárkku fylkkasátnejođiheaddji Ragnhild Vassvik Ruošša guvernevrrain Marina Kovtunain Murmánskkas.
Čoahkkimis soai digaštallaba Murmánskka ja Finnmárkku viidáset ovttasbarggu ja ovdáneami.
Maiddái johtalus Ruošša ja Finnmárkku gaskkas galgá digaštallot čoahkkimis.
Ruošša beroštupmi Finnmárkku ja Romssa ovttastahttimis
Finnmárkku ja Romssa ovttastahttima ovdáneahpi boktá maiddái beroštumi Ruoššas, ja maiddái dát ovttastahttin galgá leat okta fáttáin čoahkkimis.
Politihkalaš hoavddat deaivvadit
Sihke Finnmárkku fylkkavárresátnejođiheaddji Tarjei Jensen Bech, Norgga generálakonsuláhta jođiheaddji Murmánskkas, Erik Svedal, ja Barentsčállingotti jođiheaddji, Lars Georg Fordal servet čoahkkimii Norgga bealis.
